E ASİYE

E asiye coxo skani kurbani
Si mu dologocan mçxuriş thiqani
Beronaşen beri na vorthi skani
Sin domçhvi do domxali gyuli çkimi

Ha3i şkule govulur daği daği
Dido miğun guris derdi meraği
Oqomdğulat sin şekeri ma yaği
Sin domçhvi do domxali gyuli çkimi

Ağne odas perde kogevoqidi
İzmoceten alis dologaqidi
Gomkum3xiş imgari mis yevukhidi
Sin domçhvi do domxali gyuli çkimi

Bazi bazi gelaithi noğaşa
Gixosarthi baba skaniş thqobaşa
Gyuli çkimi sin var ida başkaşa
Çkimi re do giçkithas gyuli çkimi